20/12/2009

9. Nûte dè Nowé


creche

In djoû, èm'grand-mère m'a pârlé
Du temps qu'èle n'astoût qu'ène mazète.
Quand arrivoût l'djoû du Nowé,
Dvins les mézons, ç'astoût l'grande fyète. 

El djoû dè d'vant quand èsss'papa
Ervènoût dè s'djournéye à l'carrière,
I raportoût, fièr come in rwa,
In sapin.ye qu'on m'toût dvin-in pot d'tèrre.


 

ynoel37

Quand les deûx p'tits dorminne-t'au pu foûrt,
Adon s'maman, dèssus l'pu waûte plantche,
Pèrdoût n'grande boite dvins l'boneûr du jour
Avû les garnitûres èyè les bias t'chf'eûx d'ange.

Il avoût ène lantèrne avu des roûdges micas
Yè in p'tit Père Nowel assis su in trin-nia,
In mouchon d'paradis avû des plumes in oûr
Eyè n'douzin-nes de boules qui lujinne-tè bî foûrt.

ynoe257

Il avoût des candèyes qu'on m'toût aux p'titès cuches
Yè quand l'papa viyoût qu'on d'alloût l'z'allumer,
Avû in sa.ya d'iau, il arivoût d'à l'uche,
Prèsse à tout èrmouyî si çà v'noût à brûler.

Alintoûr dè l'èstûve,on mêtoût les solés
Des grands èyè des p'tits qui dallinne-tè trouver
In sè l'vant au matin.ye in Jésus in massepin.ye,
In orange, des nonjètes yè n'cugnole dè bon pin.ye.

Pnoel

Les tâ-yons stinne-tè là pou vèyî su l'z'èfants.
In n'djokant nî dvin l'nîve pou arriver à temps
On s'in dalloût à mèsse, vizènes yè vizins.ye.
Pou intinde èl' grand Jules tchanter « Minuit Chrétiens »

creche14

 

Après avoû mindjî in bokèt d'târte au riz,
A deûs-eûres du matin.ye on s'in dalloût dormi.
Les pîs su n'brike boulante on rêvoût à les cîs
Qui n'savent quoû indvintér pou avôu du pléji.

lights                         Novembre 1990

 

 

 

Noel6

 

 

Écrit par Puvipusot dans Général | Commentaires (2)

Commentaires

Excellente lecture, merci beaucoup ! ! !

Écrit par : site de pari sportif | 27/05/2014

Répondre à ce commentaire

Il est exceptionnelle votre blogue, prompte, pratique, je l'aime bien, est ce que la fabrication d'un tel blogging est gratuite ?

Écrit par : pronostics france honduras coupe du monde | 15/06/2014

Répondre à ce commentaire

Les commentaires sont fermés.